Why Wake Up at 4am? Early in the Morning Subha Sawere jaldi uthna aakhir itna zyada important kyun ha. Iski kya khaas bat ha ke jitne bhi bary log hain jinho ne bara naam kamaaya hai jo famous Personalities hain woh sab ke sab subha jaldi utha karty thy. Jaldi uth jaany ka matlab yeh hai ke woh log subha 4, 5 bajy ke qareeb uth jaaya karty thy. Hum logon mein se kuch chand log he subha ke 4 bajy uthny ki ehmiyat ko janty hon gy. Kyun ke hum log us waqt sonay mein masroof hoty han. Agar ap chahty hain ke How to Get up Early in the Morning to phir ap 3 Easy Ways to Wake up Early in the Morning dekh sakty hain.
Humary pas jaldi uthny ki koi wajha nahi hoti shayad, humary pas zindagi mein aagy barhny ke lye koi na koi maqsad hona zaruri hai aur maqsad ko pura karny ke lye subha jaldi uthna boht zaruri hai. Subha jaldi uthna aik bohat mushkil kaam hai, kyun ke us waqt hum neend ki lazzat mein dooby hoty hain. Lekin mushkil kaamo ko krny se he to zindagi aasan banti ha. 1 writer Les Brown ki kahawat hai ke agar ap aasan kaam karo gy to zindagi mushkil ban jaay gi aur agar ap mushkil kaam karo gy to zindagi aasaan ban jaay gi.
Kuch log early in the morning subha jaldi uthny ka hmaisha sochty he rehty han aur kuch aisy bhi hain jo alarm lagaay bagair he apne time pay subha sawere jaldi uth jaaty han aur iski yahi wajha hai ke unke pas koi na koi khaas motive hota hai aur us motive ko pura karny ke lye woh achy se janty hain ke subha uthny ke bohat se benefits hain aur in benefits ki wajha se humari zindagi dusron ki nisbat boht achi ho sakti hai. Read below the following Benefits of Get up Early in the Morning or Benefits of Waking up Early and Why Wake Up at 4am.
Benefits of Get up Early in the Morning
Agar ap subha jaldi uth jaaya karty hain to ap khud ko dusry logon ke sath compare kar ke dekhyn jo dair tak so rahy hoty hain to unke sath comparison mein apke pas din mein un se zyada time ho ga. For example, agar ap daily two hours pehly uth jaayn to apke pas one month mein 60 to 62 hours zyada hon gy. Isi tarha dekha jaay to apke pas one year mein 730 hours yaani k 1 month extra add ho jaay ga. Its mean dusry log saal mein 12 months kaam karty han lekin ap saal mein 13 months kaam kar sakyn gy, yaani ke daily 2 hours jaldi uthny se apko ye benefit hua ke apko 1 year mein 1 month extra mil gya. To ap is extra month mein boht kuch kar sakty hain matlab ap har roz ye 2 ghanty apni study ke lye serve kr sakty hain yaa apne kisi business mein yaa exercise mein yaa phr apni family mein yaa kisi bhi aur activity mein ye 2 ghanty serve kar sakty han.
Lekin itna yad rakhyn k agr ap daily late uthty hain to matlab ap ne din ka agaaz late kia hai jab ke shaam ne apne time pay he hona hai aur jab ap shaam tk kam kro gy to apka stamina khatam ho chuka ho ga aur yeh naturally bat ha k log sham ko ghar aaty hain to kaam karny ka maahol barkraar nahi rehta, us waqt log T.V ke aagy beth jaaty hain yaa phir aur koi social activity chal rahi hoti ha jis wajha se hum koi bhi kaam yaa study active mind se nahi kar sakty. Wese bhi hum evening mein thak chuky hoty hain aur kuch entertainment dekhny ka dil chahta ha or hum kuch bhi TV mein dekhna start kr dete han yaa phir games wagaira khelna shuru kr dete han.
To is tarha se hum shaam ka sara time waste kar dete hain aur subha wese he late uth kr subha ka time bhi zaaya kr dete han. Matlab hum apni zindagi ko aisy he zaaya krty huy guzaar dete han. Lehaza ap subha jaldi uth kar apna time save kr k apne kaamo mein serve karyn taake evening mein apko time mily na mily lekin ap subha sawere early in the morning uth kar he apne kaamon ko theek se time de sakyn.
To dosto agar ap subha late uthty hain to phir ap har kaam mein jaldi karyn gy. Jesa ke ap late uthy hain to ap ne dekha ke time boht ho chuka hai aur apko office se dair ho rahi hai to ap jald baazi mein nashta bhi theek se nahi kar paao gy aur phr office jaty huy rasty mein drive bhi tez karo gy jis mein accident ka khatra bhi ho sakta hai aur phir ap office late pohnchy ho or wahan boht sara kaam apka wait kr rha hai aur phir ap ne kaam bhi dair se shuru kia or dair se he khatam kia or baaz auqaat kaam mein jald baazi krny se kaam bhi theek se na ho saky ga aur accuracy to bilkul kharab ho jaay gi.
Lehaza ap day by day nikammy hoty jaayn gy or har taraf se kisi na kisi se batein sun'na paryn gi aur ap har roz chirchary se rehny lago gy aur apki sehat bhi down hona shuru ho jaay gi. Aur agar hum apne din ka aagaz subha jaldi uth kar karyn to humary saary kaam time se pehly complete ho jaayn gy or har kaam mein accuracy bhi boht achi ho gi or ap har roz khush rehny lagyn gy. Is bat ko to science ne bhi prove kia hua hai ke jo log subha jaldi uthty han woh positive aur achi soch k maalik hoty han hmaisha khush ikhlaq khush rehny waly.
Jab hum subha jaldi uthty hain to humara mind bilkul fresh hota hai aur humari memory refresh ho chuki hoti ha. To us waqt hum koi bhi study krty han yaa koi aur kaam krty han to wo boht he perfectly tareeky se hota ha. Kyun ke din mein ird gird ka maahol distraction peda krta ha jis se hm apne kaamon mein theek se tawajha nahi de paaty. Jab ke early in the morning subha sawere distraction free pur sukoon mahol hota ha jis mein hum koi bhi kaam karyn gy to humara pura focus us taraf rahy ga.
Humari zyada tar subha late uthny ki wajha ye hoti hai kyun ke hum rat ko dair tak jaagty rehty han to jab hum rat ko dair tak jagty rahyn gy to zahiri bat ha hum agar 9 se 10 bajy khana kha len aur uske bad rat ko 1 se 2 bajy tak soyn to is doraan humain dobara bhook lagy gi aur hum rat dair tk khaaty peety bhi rahyn gy jis se ho ga yeh ke humary stomach ko rest nahi mily ga jis se hmary andar boht see bimaariyan janam le len gi aur agar hum subha jaldi uthny ki aadat daal len to hmain rat ko neend bhi jaldi aajay gi aur humari faltu ki activity khatam ho jaayn gi aur humari sehat bhi theek rahy gi.
Saainsy tehqeeq k mutabik humari body ke kaam krny ki salaahiyat sunrise to sunset hoti hai aur agar hum apni body ke kaam krny ki routine ko kharab karyn gy to humary andar boht see bimaariyan peda hony lagyn gi. To dosto agar zindagi ko behtar tareeky se jeena chahty han, bhar poor sehat ke sath guzaarna chahty hain aur zindagi k maqaasid poory karna chahty hain to rat ko jaldi sonay aur subha
jaldi uthny ki aadat daal lijiye. Apki zindagi khush gawaar ban jaay gi. ALLAH hum sabko is kaam pay amal karny ki tofeeq ata farmaay.
0 Comments